VIDEO+EMRI/ Vodhi 40 000 lekë suvenire, arrestohet në Sarandë 34-vjeçari

Një shtetas është arrestuar në Sarandë, pasi dyshohet se ka vjedhur suvenire me vlerë rreth 40,000 lekë nga dy stenda të ndryshme në qytet.

Ngjarja ka ndodhur më 1 tetor 2025 gjatë natës, kur 34-vjeçari Erdion Mamushi, ka marrë sende nga dy stendat e shtetasve, S.L. dhe B.S.

Një pjesë e sendeve të vjedhura është sekuestruar si provë materiale.

Materialet iu referuan Prokurorisë për veprime të mëtejshme lidhur me veprën penale “Vjedhja”.

Njoftimi i Policisë: 

Sarandë/Finalizohet operacioni policor i koduar “Souvenirs”, zbardhen dhe dokumentohen 2 raste vjedhjeje suveniresh në qytet.
Vodhi suvenire me vlerë 40 000 lekë në dy stenda në Sarandë, kapet dhe ndalohet 34-vjeçari.

Strukturat hetimore të Komisariatit të Policisë Sarandë, në kuadër të operacionit policor të koduar “Souvenirs”, në vijim të veprimeve për goditjen e krimeve kundër pronës, bënë të mundur dokumentimin e 2 rasteve të vjedhjes në Sarandë, si dhe ndalimin e autorit të dyshuar, shtetasit: • E. M., 34 vjeç, banues në Sarandë.

Nga veprimet hetimore dyshohet se ky shtetas, më datë 01.10.2025, gjatë natës, ka vjedhjur disa suvenire me vlerë rreth 40 000 lekë, në stendën e shtetasit S. L. dhe në stendën e shtetasit B. S.

Në cilësinë e provës materiale u sekuestrua një pjesë e sendeve të vjedhura.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Vjedhja”.