Tiranë/ E përplas me biçikletë më pas e kërcënon, vajza e denoncon në polici

Një 28-vjeçar ka rënë në prangat e policisë ditën e sotme (4 gusht).
28-vjeçari është arrestuar pas denoncimit të një shtetasje pasi e ka kanosur dhe përndjekur në rrjetet sociale.
Sipas policisë ky shtetas, më datë 28.07.2022, ka goditur me biçikletë shtetasen L. S. dhe më pas i ka dërguar mesazhe ofenduese dhe e ka kanosur atë, nëpërmjet llogarive false në rrjetet sociale.
“Pas kallëzimit të bërë nga shtetasja L. S., se një shtetas e kishte goditur me biçikletë dhe më pas e kishte kanosur dhe ofenduar në rrjete sociale, falë operacionit policor të koduar "Threat" u arrestua 28-vjeçari me inicialet R. M, banues në Tiranë", njofton policia.
Materialet procedurale për këtë rast i kaluan Prokurorisë, për veprime të mëtejshme.
