Pengesë në lëvizje nga ora 22:00 në aksin Durrës-Elbasan, do kalojnë mjete të tonazhit të rëndë

Policia e Durrësit ka dhënë një njoftim të rëndësishëm për drejtuesit e mjeteve që të lëvizin sonte pas orës 22:00 në aksin: Porti i Durrësit -Plazh Plepa – Rrogozhinë – Elbasan.

Do të kryhet transporti i një mjeti jashtë norme, i cili i kalon kufijtë e përmasave gabarrite dhe kërkohet mirëkuptimi i të gjithë drejtuesve të mjeteve që do të qarkullojnë në këtë aks rrugor, pasi lëvizja do të jetë shumë e ngadaltë dhe do të krijohen pengesa për lëvizjen normale të mjeteve.

Njoftim i DVP Durrës:

Duke nisur nga ora 22:00, deri në orët e para të mëngjesit, nga porti i Durrësit, në drejtim të qytetit të Elbasanit, do të kryhet transporti i një mjeti jashtë norme, i cili i kalon kufijtë e përmasave gabarrite. Lëvizja do të kryhet nga Porti-Plazh Plepa-Rrogozhinë-Elbasan.

Kërkojmë mirëkuptimin e të gjithë drejtuesve të mjeteve që do të qarkullojnë në këtë aks rrugor, pasi lëvizja do të jetë shumë e ngadaltë dhe do të krijohen pengesa për lëvizjen normale të mjeteve. Mjetet e tonazhit të rëndë ta eliminojnë qarkullimin në këtë aks rrugor dhe të qarkullojnë në akse të tjera alternative, për të cilat do të informohen nga shërbimet e Policisë Rrugore që do të jenë të pranishme në këtë aks rrugor.