PD drejt kuvendit të 30 prillit, Basha zhvillon takim me simpatizantët në Durrës

Ndërsa vazhdojnë përplasjet dhe përpjekjet për kuvendin e 30 prillit, ish-kryetari i PD-së Lulzim Basha është takuar ditën e sotme në qytetin e Durrësit me simpatizantë të tij.

Pas dorëheqjes së tij si kreu i PD-së, Basha ka ndërmarrë një tur takimesh në gjithë qytetet e vendit, sipas tij në një mision për të bashkuar demokratët.

Ndërkohë, pothuajse ka mbaruar në të gjitha degët zgjedhja e krerëve të tij në rreth, duke i paraprirë kështu 30 prillit.

Ndërkohë, në këtë kuvend pritet që përpos vendimeve të tjera, do të miratohet edhe data në të cilën do të zgjidhet kreu i ri i partisë.

Ish-kryeministri Sali Berisha bëri me dije mbrëmjen e djeshme se një datë e mundshme që do t’i propozohet këtij kuvendi është ajo e 21-22 maji 2022.

Nga ana tjetër, çështja e drejtimit të PD-së me e Kuvendit të Berishës të zhvilluar në 11 dhjetor tashmë është në proces gjyqësor, pasi është ankimuar nga Enkelejd Alibeaj.