Pas festës vjen trafiku, radhë kilometrike në aksin Thumanë - Fushë Krujë
Mbarimi i festave duket se po shkakton trafik në disa akse të vendit.
Kështu pasditen e sotme është krijuar trafik i rënduar në aksin rrugor Thumanë - Fushë Krujë.
Qindra makina janë gjendur në trafik dhe lëvizja e mjeteve bëhet me shumë ngadalësi.
Mjetet nga mbikalimi i Laçit kanë mbi një ore që ecin me ngadalë dhe kanë avancuar pak kilometra.
Bllokimin e shton edhe fakti që disa shoferë kanë bllokuar, sikurse tregojnë pamjet filmike edhe korsinë e emergjencës.
Një situatë e ngjashme është parë edhe në qytetin e Elbasanit, ku shumë tentojnë të shkojnë në juglindje, për festa ose për të kaluar doganën në Qafë Thanë apo Kapshticë.



