FOTO/ Nuk ndalon saga e vrasjeve, sulmohet me armë Zamir Kalemi, vëllai i Andrea Kalemit

Zamir Kalemi, vëllai i Andrea Kalemit që u sulmua në muajin Gusht, me armë në Greqi, i ka shpëtuar një atentati të mirë organizuar në Selitë të Tiranës.

Zamiri ishte duke ecur me makinë, kur papritur mjeti i tij është përshkuar nga një breshëri kallashnikovi, duke i sjellë plagosjen në njërën këmbë dhe në trup.

Pamjet nga vendi i ngjarjes

Ngjarja lidhet me një seri krimesh të tjera të nisura në qytetin e Sarandës dhe vijuar më pas në Greqi dhe deri në Tiranë, ku së fundi mbeti i vrarë Edmond Pepa.

Kalemi është djali i dajës së Aleksandër Sadikaj, i cili mbeti i vrarë  gjatë një atentati me tritol në makinë, ngjarje kjo e ndodhur në rreth rrotullimin e TEG.

Autorët e krimit që sulmuan Zamir Kalemin janë kujdesur mirë, për survejimin e tij, dhe goditjen me armë.

Pas kësaj ata janë larguar në drejtim të Bërzhitës, ku dhe kanë djegur automjetin e përdorur në vrasje.

Mandej me një automjet tjetër, besohet se janë larguar në drejtim të Elbasanit.

Pista e parë e këtij atentati të dështuar është hakmarrja, pasi vëllai i tij, Andrea Kalemi dyshohet i implikuar në vrasjen e Edmond Papës dhe vrasjen e dy personave në Belgjikë.

Shkak i lindjes së kësaj sage hakmarje, është bërë trafiku i drogës.

Adriatik (Andrea) Kalemi i ka mbijetuar disa atentateve të bëra ndaj tij në Greqi.

Pamjet nga vendi i ngjarjes

“Ora News” raportoi në 25 Janar 2023 detaje të tjera rreth dosjes hetimore të vrasjes së Edmond Papës në Selitë të Tiranës, ku veç të arrestuarit Albano Velo dhe Andrew Bode, një tjetër emër doli në skenën e hetimit si i dyshuar se mund të ketë gisht në këtë ngjarje.

Ne foto: Andrea Kalemi

Bëhet fjalë pikërisht për Adriatik alias Andrea Kalemi, i cili është djali i dajës së Aleksandër Sadikaj, i cili po lufton me jetën në spitalin e Janinës, pas atentatit të pasdites së djeshme.

Sipas analizës së bërë nga policia dhe prokuroria në janar të këtij viti rezultoi se Andrea Kalemi, ka lidhje të ngushta shoqërore me dy personat e arrestuar Albano Velo dhe Andrew Bode, ku së bashku kanë frekuentuar lokalet dhe udhëtuar jashtë shtetit.

elton qyno andrea kalemi zamir kalemi