Ngec aeroporti i Vlorës, punimet nisin disa muaj nga inaugurimi, branorët: Frikë për shtëpitë

"Jam shumë i lumtur që jam aktori kryesor i kësaj vepre, jam i lumtur që kjo ndodh në vendin  tim dhe qytetin që e kam shumë përzemër".

Behgjet Pacolli nuk e fshehu dëshirën për të lënë gjurmë në Shqipëri teksa foli në inaugurimin e punimeve të aeroportit të Vlorës me 28 nëntor të vitit të kaluar.

Por pas shfaqjes bashkë me kryeministrin Edi Rama, për më shumë se 2 muaj në Akërni të Vlorës nuk u ndez asnjë makineri.

Së fundmi disa punëtorë janë rikthyer në kantier, por bëjnë rregullimet e para.

Banorët e zonës shprehen skeptikë, duke thënë se premtimet e herëpashershme, dhe pezullimi i punimeve tregon se jo gjithçka po shkon siç duhet.

"Duhet të ishin nisur dhe më shpejt, ka pasur shumë vonesa. Ka 20 vjet që e dëgjoj këtë fjalë, fusha sot dhe fusha nesër. 7 herë janë nisur dhe 700 herë janë ndaluar këto."

"Nuk kam besim shumë në qeverinë që na drejton, por edhe them se mund të bëhet. Nuk e di."

Ata që kanë banesat ngjitur me kantierin shprehen të shqetësuar për të ardhmen e shtëpive të tyre.

"Dëmin nuk e jep ai sa kemi shpenzuar."

Vlera e parashikuar e investimit është gati 104 milionë euro, ndërsa aeroporti ndërkombëtar i Vlorës do të ndërtohet nga një konsorcium kompanish.

50 përqind e aksioneve zotërohet nga Mabetex e sipërmarrësit Behgjet Pacolli.