Morinë/ Kapet me 23 mijë e 600 euro të padeklaruara, nis procedimi për shtetasin turk

Morinë/ Kapet me 23 mijë e 600 euro të padeklaruara, nis

Një shtetas turk është proceduar penalisht pasi tentoi të fuste në vendin tonë 23 mijëe 600 euro të padeklaruara përmes doganës së Morinës.

Në kuadër të intensifikimit të kontrolleve në hyrje/dalje, nga Policia Kufitare e PKK Morinës, me fokus parandalimin dhe goditjen e paligjshmërive në kufi, është kaluar në vijën e dytë, për kontroll të detajuar, automjeti tip “Renault”, me drejtues shtetasin turk B. S.

"Gjatë kontrollit, në një çantë të këtij shtetasi, shërbimet e Policisë gjetën 23 600 euro, të cilat shtetasi B. S. tentonte t’i fuste në vendin tonë, pa i deklaruar konform ligjeve në fuqi.

Në vijim të veprimeve procedurale, strukturat hetimore të DVP Kukës referuan materialet në Prokurori ku nisi procedimi në gjendje të lirë për shtetasin turk B. S., 52 vjeç, banues në Mal të Zi, për veprën penale "Mosdeklarimi në kufi i të hollave dhe i sendeve me vlerë"," njoftoi policia.

Gjithashtu, në cilësinë e provës materiale u sekuestrua shuma e parave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

EMISIONET