Marku: Ata që duan dorëheqjen e Bashës janë shërbëtorët e Ramës
Kandidati për deputet në qarkun e Lezhës në listat e Partisë Demokratike, Mark Marku ka dhënë një deklaratë për mediat pas mbledhjes që zhvilloi bashkë me kolegët e tij me kryedemokratin Lulzim Basha.
Marku shprehet se zgjedhjet nuk ishin të lira dhe se do të jetë një luftë derisa Kryeministri Edi Rama të largohet nga pushteti.
Mark Marku: Do të jetë një luftë totale. Do të jetë një luftë derisa Rama të largohet nga pushteti. Aty ku nuk ka zgjedhje të lira, u lind e drejta qytetarëve të reagojnë në të gjitha format sepse pushteti është legjitim."- tha ai
Më tej Marku theksoi se ata që kërkojnë dorëheqjen e Kryedemokratit Lulzim Basha, janë shërbyes të Ramës dhe duan të largojnë vëmendjen nga vjedhja e zgjedhjeve.
Pyetje: Kemi pasur dhe zëra kundër Bashës për të dhënë dorëheqjen, si e konsideroni?
Mark Marku: Unë I konsideroj si shërbyes të Ramës, për të larguar vëmendjen nga vjedhja e zgjedhjeve.