Arrestohet pedagogu i Akademisë së Policisë dhe inspektori i policisë, 4 mije euro per graden "Nenkomisar"

Shërbimi për Çështjet e Brendshme dhe Ankesat ka vënë në pranga pedagogun në Akademinë e Policisë dhe një inspektor të policisë pasi akuzohen për ushtrim të ndikimit të paligjshëm ndaj personave që ushtrojnë fuksione publike” dhe “Falsifikim i dokumenteve”

Ne pranga ka rene pedagogu Qetsor Gurra dhe inspektori i policisë Dritan Lelaj.

Nga hetimet SPAK thotë se janë siguruar prova të mjaftueshme se inspektori ka ofruar/ premtuar vlerën 4 mijë euro për të fituar provimin që do e  ngrinte në gradën "Nënkomisar" 

Ndërsa profesori se ka kërkuar/pranuar përfitim të parregullt për të ushtruar ndikim të paligjshëm tek punonjës shtetërorë për ta favorizuar në lidhje me provimin, për fitimin e gradës “Nënkomisar”, të zhvilluar më 27 tetor në ambjentet e Akademisë së Sigurisë.

Jo vetëm kaq inspektori akuzohet se ka përdorur dokumente të falsifikuara në procesin e provimit.

Ndaj inspektorit Dritan Lelaj dhe profesorit Qetsor Gurra gjykata ka dhënë masën e sigurisë 'arrest me burg" më 29 nëntor 2021, ndërsa ekzekutimi i masave të sigurimit nga policia gjyqësore pranë Drejtorisë së Përgjithshme të Shërbimit të Çështjeve të Brendshme dhe Ankesave Tiranë, u bë i mundur sot më datë 02.12.2021.

Arrestohet pedagogu i Akademisë së Policisë dhe inspektori i
Foto dje nga ambentet ku u testuan policët e rinj

Njoftimi i SPAK 

Prokuroria e Posaçme kundër Krimit të Organizuar dhe Korrupsionit në Tiranë, ka regjistruar procedimin penal Nr. 277 datë 22.10.2021 për veprat penale: “Ushtrimi i ndikimit të paligjshëm ndaj personave që ushtrojnë fuksione publike” dhe “Falsifikim i dokumenteve”, parashikuar nga neni 245/1/2 dhe neni 186/1 i Kodit Penal në ngarkim të shtetasit D. L., si dhe “Ushtrimi i ndikimit te paligjshëm ndaj personave që ushtrojnë fuksione publike”, parashikuar nga neni 245/1/4 i Kodit Penal në ngarkim të shtetasit Q. G.
 
Pasi janë kryer hetime në kuadër të procedimit penal Nr. 277/2021, në bashkëpunim me Drejtorinë e Përgjithshme të Shërbimit të Çështjeve të Brendshme dhe Ankesave Tiranë, është arritur të sigurohen prova të mjaftueshme, të cilat krijojnë dyshimin e arsyeshëm, se:

Shtetasi D. L. ka ofruar/premtuar një vlerë monetare në shumën 4.000 euro që përbëjnë përfitim të parregullt, në kuadër të proçedurës së provimit në Akademinë e Sigurisë Tiranë, si dhe ka përdorur dokumente të falsifikuara në procesin e provimit, ndërsa shtetasi Q. G. dyshohet se ka kërkuar/pranuar përfitim të parregullt për të ushtruar ndikim të paligjshëm tek punonjës shtetërorë për të favorizuar shtetasin D. L. në lidhje me provimin, për fitimin e gradës “Nënkomisar”, të zhvilluar në datën 27.10.2021 në ambjentet e Akademisë së Sigurisë.

Bazuar në kërkesën e Prokurorisë së Posaçme, Gjykata e Posaçme e Shkallës së Parë Për Korrupsionin dhe Krimin e Organizuar Tiranë, me vendimin Nr. 1159, akti datë 29.11.2021, ka vendosur:

Caktimin e masës së sigurimit “arrest në burg” për shtetasit: D. L.  dhe Q. G.

Ekzekutimi i masave të sigurimit nga policia gjyqësore pranë Drejtorisë së Përgjithshme të Shërbimit të Çështjeve të Brendshme dhe Ankesave Tiranë, u bë i mundur sot më datë 02.12.2021.

EMISIONET