KUJDES! PAMJE TRONDITËSE nga kopshti "Gledis" në Tiranë! Nëna dërgon djalin shëndoshë dhe e merr të ...

Në janar të këtij viti, kopshti privat “Gledis” i ndodhur në zonën e Astirit në Tiranë, u vendos në fokus të vëmendjes publike, pasi edukatorja Rudina Gërdani u filmua duke dhunuar dy fëmijë të vegjël.

46-vjeçarja u shpall në kërkim nga policia për rastin që tronditi mbarë opinionin publik dhe ngriti njerëzit në protestë.

Por duket se rastet e dhunës në kopshtin “Gledis” nuk kanë të mbaruar. Nëna e një djali të vogël që ndjek të njëjtin kopsht, i është drejtuar redaksisë së JOQ Albania me një denoncim .

"Në një bisedë telefonike me gazetarët tanë, nëna thotë se djali i saj ka shkuar në shtëpi i nxirë e me shenja në veshë, faqe, sy dhe fyt. Kjo si pasojë e një sherri të ndodhur mes të vegjëlve në kopsht, ku nëna pretendon se askush nga personeli i kopshtit nuk ka ndërhyrë për minuta të tëra për të ndaluar atë që po ndodhte.

Nëna thotë se e ka marrë vesh ngjarjen vetëm kur edukatoret e kanë marrë në telefon dhe i kanë thënë se djali është nxirë. Pasi ka parë pamjet e kamerave të sigurisë ku duket i vogëli i saj që dhunohet, ajo ka kërkuar që nxënësi dhunues të përjashtohet.

“Ata e kthejnë çështjen në interes financiar. Nuk e përjashtojnë djalin dhunues, se thonë nëse heqim atë ikin dhe dy të tjerë. Nuk kanë interes të mbajnë djalin tim dhe të heqin tre të tjerë,” tha nëna e djalit të vogël.

Nëna është e habitur për neglizhencën që drejtoresha e kopshtit “Gledis” kanë shfaqur për të zgjidhur rastin, prandaj zgjedh ta bëjë publik rastin që institucionet të reagojnë.

Kjo ngjarje kthen edhe një herë vëmendjen te siguria e kopshteve dhe çerdheve, ku prindërit i lenë fëmijët në mirëbesim, dhe më pas i marrin të nxirë e me shenja dhune, herë nga edukatoret e herë nga bashkëmoshatarët", raporton "JOQ Albania".

ast