Jo vetëm plazh! Borshi hap sezonin turistik me një larmi aktivitetesh sportive e kulturore

Mijëra turistë zbritën në Borsh në prag të çeljes së sezonit turistik. Shijuan bukuritë e natyrës dhe u argëtuan nën ritmet e muzikës.

"Më pëlqen Shqipëria, ka vende të bukura për turistët. Unë jam nga Vjena. Ne atje nuk kemi det. Vendi juaj është i bukur, i ka të gjitha."

Të huajt që zbuluan Shqipërinë për herë të parë thonë se mbetën të magjepsur ndaj premtuan se do të rikthehen.

"Jam nga Britania e Madhe. Është hera ime e parë këtu. Borshi është shumë i mrekullueshëm. Njerëzit janë miqësor dhe çdo gjë është në rregull. Do ta sugjeroja Borshin në 100% të miqtë e mi, sidomos këtë Festival. Me shumë mundësi do të rikthehem vitin tjetër."

Për katër ditë me radhë u kthye në një arenë e muzikës, kulturës, traditës dhe sportit.

"Çdo vit e më shumë ka goxha interesim nga njerëzit që janë aktualisht këtu. Ka goxha interesim nga vajzat të cilat janë më aktive në sport dhe stërvitje."

Mundësi e rrallë për CrossFit  buzë Jonit. Për mungesë të kapacitetit akomodues një pjesë e turistëve u detyruan të akomodohen në Himarë.