Më në fund ndërtohet spitali, pas tre vitesh propagandë, në Laç do të priten pacientët e parë

Me rindërtimin e spitalit të Laçit maxhoranca ka bërë propagandë për tre vite radhë. Madje janë më shumë se 6 inspektime për të folur mbi të.  Këtë të hënë ndërtesa është deklaruar e përfunduar dhe për të pritur edhe pacientët.

Pas të paktën gjashtë vizitave për të nisur punimet, inspektimin e punimeve dhe shumë lajmeve të tjera për spitalin e ri të Laçit, më në fund i rindërtua pas tërmetit të vitit 2019 u hap për të pritur pacientët.

E serish aty ishin zyrtarët më të lartë të shtetit

Edhe pse nuk u fol se me të u bë disa herë propagandë, ministrja Ogerta Manastirliu kërkoi ndjesë që nuk punimet nuk mbaruan më pare.

Ogerta Manastirliu: Ju falenderoj edhe një herë të gjithëve, mjekët infermierët. T’I kërkoj dhe një të falur qytetarëve të Laçit që nuk e mbaruam aq shpejt sa donim spitalin.

Edhe kryeministri Edi Rama foli për reformë në shëndetësi por duke pranuar edhe largimin e të rinjve.

Edi Rama: Shpeshherë dëgjojmë nuk kemi mjekë nuk kemi infermier por në kanë ikur të gjithë, pavarësisht të pamohueshmes që ka mjek të rinj dhe infermier që largohen është e drejta e tyre të largohen e të provojnë një eksperiencë diku tjetër.

Pavarësisht denoncimeve nga familjarët për mungesë të mjekëve në spitale e qendra shëndetësore Rama mendon ndryshe.

Edi Rama: Ne kemi një sistem sot që na mundëson që përmes shpërndarjes së të rinjve dhe të rejave që dalin nga specializimet të mos kemi boshllëqe.

Prej disa vitesh numri i mjekëve dhe infermierëve të larguar jashtë Shqipërisë është tejet i lartë.