Gruaja pretendon se apartamenti i saj është i mbushur me fantazma seksuale

Një grua amerikane ka treguar sesi apartamenti i saj është i mbushur nga fantazma të ngarkuara seksualisht, duke thënë se dëgjoi një zë që i thoshte se po dukej mirë ndërsa bënte dush.

Pronarja e shtëpisë nga Teksasi, Linda Hill thotë se periudha më e gjatë që një qiramarrës ka zënë pronën e saj në Denton Street, Gainesville, është vetëm gjashtë muaj.

Një numër i qiramarrësve të saj pretendojnë se kanë pasur takime me fantazma, duke thënë se prona është shtëpia e shumë llojeve të ndryshme të shpirtrave.

"Ne kemi fëmijë, kemi të moshuar, djem të moshuar dhe kemi prostituta," tha ajo në Jesse Watters Primetime në Fox.

Hill thotë se lloji më i zakonshëm i vizitorëve spektralë ishte ky i fundit, duke pretenduar se qiramarrësit meshkuj i kanë thënë asaj se kanë ndjerë dikë ose diçka duke i përkëdhelur fytyrën, krahun ose shpatullën e tyre.

“Ata përpiqen të nxisin biznesin, por nuk mund të gjejnë një mënyrë për të përfunduar transaksionin, kështu që asgjë nuk ndodh kurrë,” tha ajo.

Hill është përballur edhe vetë me përvoja të çuditshme, duke kujtuar se si po bënte dush kur dëgjoi dikë të thoshte: "Dukesh mirë".