Gjurmët biologjike nxjerrin zbuluar Mecinin dhe Lataj në rrëmbimin e zhdukjen e dy personave në Sarandë

Albi Mecini dhe Sebastian Lataj, janë dy personat që dyshohet se kanë rrëmbyer dhe më pas vrarë me individë të tjerë Fatmir Sulovari dhe Leonard Theodhori.

Zhdukja e dy personave ka ndodhur në muajin Prill në fshatin Vrinë të Sarandës.

"Ora News", ka mësuar se provat që kanë nxjerë zbuluar dy personat janë gjurmë biologjike të sekuestruara në makinën tip Benz Mercedez të përdorur për rrëmbimin dhe gjurmë biologjike të gjetura në shtëpinë ku ishte fshehur shtëpia në fshatin Nivicë të Himarës.

Në këtë shtëpi janë sekuestruar bidona të vegjël uji, në të cilin u gjetën profile biologjike.

Këto profile janë analizuar dhe pas krahasimeve ka rezultuar se ishin të ngjashëm me profilet e ADN së Mecinit dhe Sebastian Latajt.

Për shkak të këtyre provave shkencore është urdhëruar arrestimi i Mecinit dhe Latajt.

Ndërsa Ervis Cukali dhe Arafat Manërkolli nuk kanë lidhje me ngjarjen e zhdukjes së dy personave në Sarandë.

Por implikimi i tyre lidhet me  sasinë e tritolit të bllokuar në Fier, ku këta dy persona dhe individë të tjerë po përpiqeshin të vendosnin një sasi të konsiderueshme tritoli tek një person i botës së krimit në Fier.