FOTO/ "Një mëngjes i mbushur me besim dhe paqe", në Vlorë festohet Fiter Bajrami

Agimi i sotëm e gjeti Vlorën të mbushur me atmosferën e shenjtë të Fitër Bajramit. Besimtarët, të shumtë në numër, u mblodhën për të kryer faljen e kësaj feste të bekuar. Për shkak të restaurimit të Xhamisë së Plumbit, ceremonia u zhvillua në Pallatin e Sportit, i cili u mbush plot me besimtarë të devotshëm.

Ceremonia nisi me leximin e Kuranit, duke sjellë qetësi dhe reflektim te të pranishmit.

Më pas, besimtarët u bashkuan në faljen e namazit, duke e kthyer këtë moment në një shenjë bashkimi dhe devotshmërie.

Myftiu i Vlorës, Ardit Hoxhlleku, mbajti një fjalim të ngrohtë, duke falënderuar komunitetin për përkushtimin e tyre në këtë muaj të shenjtë.

Ai përcolli mesazhin e paqes dhe harmonisë, duke theksuar rëndësinë e vlerave familjare dhe solidaritetit.

Pas faljes, besimtarët shkëmbyen përqafime dhe urime të përzemërta, duke e bërë këtë ditë edhe më të veçantë.

Në fund, një koncert i organizuar nga Myftinia solli gëzim për të vegjlit, duke e përmbyllur këtë festë.

VIDEO - Falja e Namazit, besimtarët myslimanë mbushin sheshin “Skënderbej”