Stuhi gushti në Shëngjin, dy pushues rrezikuan të mbyten, shiu boshatis plazhet

Dy pushues rrezikuan jetën në plazhin e Ranës së Hedhun në Shëngjin që këtë të martë u përfshi nga moti i keq me erë e shi. Ndryshimi i motit largoi pushuesit, çka shkaktoi kaos në rrugët e zonës bregdetare.

Dy pushues rrezikuan të mbyten në plazhin e Ranës së Hedhur në Shëngjin, ku deti ishte i trazuar për shkak të ndryshimit të kushteve atmosferike.

Fillimisht në vështirësi ishte një e moshuar, të cilës i shkoi në ndihmë një tjetër person dhe më pas rrezikuan të dy.

Ata u dërguan me urgjencë në Spitalin e Lezhës, ku pas ndihmës së parë raportohen se janë jashtë rrezikut për jetën.

KETU LAJMET MINUTE PAS MINUTE

Rajoni i Lezhës u përfshi këtë të martë nga reshje shiu dhe erëra.

Përkeqësimi i motit zbrazi plazhet.

Pushuesit ikën.

Por lëvizja e menjëhershme me makina shkaktoi kaos dhe trafik të rënduar në rrugë.

Rruga e Shëngjinit dhe segmenti Milot-Balldre kthehen në problematike sa herë që shtohet fluksi i makinave.

Edhe pse reshjet e shiut u rikthyen në disa zona të vendit, parashikimet janë se në ditët në vijim moti të jetë i qëndrueshëm e me diell.

EMISIONET