Durrës, përplasi për vdekje me automjet 78-vjeçarin, polica në kërkim të shoferit

Foto ilustruese

Policia e Durrësit është duke hetuar lidhur me një aksident, ku një drejtues mjeti ka p[përplasur për vdekje një 78-vjeçar dhe më pas është larguar nga vendi i ngjarjes.

Ngjarja ka ndodhur në ditën e sotme rreth orës 16:50 ku në vendin e quajtur Stacioni i Trenit, një automjet me drejtues ende të paidentifikuar, përplasi të moshuarin.

“Në lidhje me aksidentin e ndodhur më datë 17.01.2023, rreth orës 06:15, ku në vendin e quajtur Stacioni i Trenit, një automjet me drejtues ende të paidentifikuar, ka përplasur shtetasin H. B., 78 vjeç, i cili si pasojë e dëmtimeve të marra, ka humbur jetën në spital, ju sqarojmë se:

Shërbimet e Policisë, në momentin e marrjes dijeni për aksidentin e ndodhur, kanë shkuar menjëherë në vendngjarje së bashku me grupin hetimor, dhe nga verifikimet e kryera ka rezultuar se automjeti që kishte përplasur 78-vjeçarin, ishte larguar nga vendi i ngjarjes.” – njofton policia.

Grupi hetimor nën drejtimin e Prokurorisë pranë Gjykatës së Rrethit Gjyqësor Durrës, vijon intensivisht veprimet hetimore, me qëllim zbardhjen e plotë të rrethanave të aksidentit, identifikimin si dhe kapjen e vënien në pranga të drejtuesit të automjetit.