Demalia: Propozoj edhe unë për president shokun Arqimidh Shatrabubi, i ka të gjitha cilësitë

Analisti Ilir Demalia shkruan në Facebook se zgjedhja e presidentit të vendit ka bërë që të shpallen kandidatura edhe nga rrjetet sociale.

Ai shkruan se një gjë e tillë tregoi dhe një herë gjendjen e rëndë neurotike-delirante të popullit të zgjuar, trim dhe punëtor, të drejtë dhe të besës, të thjeshte dhe të duruar shqiptar.

Ai shton se edhe a propozoj një kandidaturë si ajo e shokut Arqimidh Shatrabubi, intelektual, akademik, politikan, profesor/doktor, i persekutuar, antikomunist, socialdemokrat.

Demalia: Afrimi për datën e zgjedhjes se Presidentit të R.SH me kanditaturat e shpallura nga organizata, shoqata dhe vetë persona në vetë të parë dhe nga rrjeti social, tregoi dhe një herë gjendjen e rëndë neurotike-delirante të popullit të zgjuar, trim dhe punëtor, të drejtë dhe të besës, të thjeshte dhe të duruar shqiptar.

Mendoj të propozoj dhe unë nje kanditature: Shokun Arqimidh Shatrabubi. Intelektual, akademik, politikan, profesor/doktor, i persekutuar, antikomunist, socialdemokrat. Republikan-demokrat, Konservator-liberal e plot cilësi të tjera…  Kush është dakort të votojë në këtë faqe për shokun Arqimidh Shatrabubi. Orkestra për ceremonine e Presidentit është gati dhe do të jetë nje koncert i paparë në Pallatin e Brigadave ku di të marrin pjesë liderët botërorë konfirmuar deri në tash 120 vende.