DEBATE TË ASHPRA NË SALLË/ “Largoni gazetarët”- Plarent Dervishaj përplaset me togat e zeza: Bëjeni ju gjyqin pra

Në procesin ndaj Plaurent Devishaj dhe Jualian Mecaj, të cilët akuzohen për vrasjen e Andi Malokut shoferit të ish-deputetit Arjan Ndoj.

Në sallën e gjyqit janë paraqitur dëshmitarë të kërkuar nga prokuroria. Por një kërkesë e Plaurent Derivishaj që në sallë të mos jenë mediat u rrëzua nga gjykata, ccka solli edhe largimin e tij nga salla e gjyqit.

DEBATET NE SALLE

Plaurent Dervishaj: Nuk keni forcës të përballeni me të drejtët e mia, duke parë që gazetaret dezinformojnë deklarimet e dëshmitarëve. Nuk e kam për të gjithë, por për emra të veçantë. Atë çfarë kërkojmë ne këtu? Unë heq dorë nga avokatët Ilia Ilia dhe Gerta Gorjani. Bëjeni gjyqin vetë, prokurorin ja ku e jeni. Nuk paraqitem më në gjyq.

Prokurori Adnan Xholi: E drejta e pandehurit të marrë ose jo pjesë në gjykim. Pavarësisht kërkesës së të pandehurit, nuk do duhej që avokatët të largoheshin nga salla, megjithatë do merren masa nga gjykata.

Kërkoj të zëvendëson me avokatë kryesisht, në rast të kundërt të shtyhet seanca duke pezulluar dhe afatet e paraburgimit për të dy dhe të njoftohet Dhoma Kombëtare e Avokatisë për braktisjes e seancës nga avokatët.