Baste sportive e bixhoz në lokale, pranga katër pronarëve në Tiranë

Operacioni nga Komisariati i Policisë Nr. 6, për goditjen e aktivitetit të paligjshëm në fushën e lojërave të fatit.

Goditen 4 raste të organizimit të lotarive të palejuara në kryeqytet. Në pranga kanë rënë katër persona si dhe janë proceduar penalisht 2 të tjerë.

Aktiviteti kryhej në  katër lokale.

Në kuadër të operacionit u bë arrestimi në flagrancë i shtetasve:  

- A. S., 23 vjeç, për veprat penale "Organizimi i lotarive të palejuara" dhe "Vënia në dispozicion e lokaleve për lojra të palejuara".

Gjithashtu u proceduan penalisht shtetasit A. H., 27 vjeç, për veprën penale "Organizimi i lotarive të palejuara" dhe F. D., 28 vjeç për veprat penale "Organizimi i lotarive të palejuara" dhe "Prodhimi dhe shitja e narkotikëve".

Policia thotë se këta shtetas u konstatuan duke ushtruar aktivitetin e paligjshëm të lojërave të fatit, në ambientet e lokalit në pronësi të shtetasit A. S., në Kashar, i cili e kishte vënë lokalin në dispozicion për ushtrimin e kësaj veprimtarie të paligjshme.

Gjatë kontrollit fizik ndaj shtetasit F. D., shërbimet e Policisë gjetën dhe sekuestruan në cilësinë e provës materiale një sasi lënde të dyshuar narkotike të llojit cannabis sativa. 

Gjithashtu u bë arrestimi në flagrancë për veprat penale "Organizimi i lotarive të palejuara", "Vënia në dispozicion e lokaleve për lojra të palejuara" dhe "Fshehja e të ardhurave", i shtetasve:

- K. B., 31 vjeç, pronari i një lokali në rrugën "Hamdi Cenoimeri" në Kombinat;

- A. B., 46 vjeç, pronari i një lokali në Rrugën e Xhepëve;

- L. Sh., 62 vjeç, pronari i një lokali në afërsi të Liqenit të Xhepëve.

Këta shtetas u konstatuan duke ushtruar aktivitetin e paligjshëm të lojërave të fatit, në lokalet në pronësi të tyre, të cilët i kishin vënë në dispozicion për ushtrimin e kësaj veprimtarie të paligjshme.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.