52-vjetori i revoltës së Spaçit, kërkohet gjyq për krimet e komunizmit dhe hapje e dosjeve

Instituti i krimeve të komunizmit do të mbledhë prova për të dërguar në gjyq ata që bashkëpunuan me sistemin komunist.

Në takimin për 52-vjetorin e revoltës së Spaçit u theksua se argumenti që në atë kohë ata që ruanin të dënuarit politik bënë detyrën, nuk qëndron.

50 vjetori i kujtimit të revoltës së Spaçit ka bërë bashkë studiues dhe akademikë.

Duke sjellë në vëmendje dënimet politike të diktaturës komuniste, dënimet e rënda dhe rezistencën në atë kohë, kërkuan më shumë përpjekje për të njohur historinë.

Jo vetëm përmes teksteve në shkollë, por dhe në ndërtimin e muzeve apo dhe të memorialëve.

Për përfaqësuesin e institutit të krimeve të komunizmin, askush nga ata që u bënë bashkë me sistemin, nuk mund  të fshihet me argumentin se kryen detyrën.

Hapja e dosjeve është konsideruar një tjetër element i rëndësishëm.

Folësit nënvizuan se kjo do të shërbejë për arritjen e së vërtetës në mënyrë që historia të mos përsëritet.