VIDEO/ NEYMAR SI MARADONA! Braziliani shënon me dorë, por merr karton të kuq

Ylli brazilian i futbollit Neymar tashmë ndodhet në një pikë kritike të karrierës së tij. Në ndeshjen e rradhës 33 vjeçari tentoi të shënojë me dorë, por u ndëshkua me të kuqe

Santos, skuadra ku u rrit ylli brazilian Neymar, u mposht 0-1 në shtëpi nga Botafogo në një ndeshje që u la në hije nga përjashtimi i Neymar-it në minutën e 76-të.

33-vjeçari mori kartonin e dytë të verdhë pasi tentoi të shënojë me dorë, në një moment dëshpërimi kur rezultati ishte ende i barabartë 0-0.

Në fakt duket si një zgjatje e ngjashme me maradonën në kupën e botës së vitit 1986, por këtë radhë gjithçka ka qenë më e dukshme.

Miqtë arritën të shënojnë në minutën e 86 , ndërsa ekipi i Neymar renditet në tre vendet e fundit në kampionatin brazilian

Pas daljes me të kuqe dhe humbjes së skuadrës, ai reagoi në rrjetet sociale me një mesazh ndjese për tifozët dhe shokët e skuadrës.

“Dëshira për të shënuar ndonjëherë na shtyn të bëjmë gabime. Dua të kërkoj falje nga shokët e mi dhe nga tifozët. Bëra një gabim, më falni!”, shprehet ai.

Kjo humbje dhe episodi me kartonin e kuq përforcojnë edhe më shumë momentin e vështirë të Neymar-it, që po përpiqet të rikthehet në formën e dikurshme me ekipin e tij të zemrës.