Rekord pas rekordi, Lionel Messi nuk njeh limite/ Goli ndaj Jordanisë vendos një tjetër rekord për “yllin” argjentinas

Australia, Holanda, Kroacia dhe Franca në vitin 2022. Algjeria, Austria dhe Jordania në vitin 2026.

Llogaria është e thjeshtë: shtatë ndeshje radhazi në Kupën e Botës me gol për Lionel Messin, diçka që askush nuk e kishte arritur më parë.

Ai ka lënë pas francezin Just Fontaine, i cili shënoi në 6 ndeshje radhazi në Kupën e Botës 1958, si dhe brazilianin Jairzinho, që bëri të njëjtën gjë në Botërorin fitues të vitit 1970.

Një tjetër rekord për kampionin argjentinas, i cili vazhdon serinë e pandërprerë që nga Kupa e Botës 2022, e fituar nga Argjentina, dhe do të përpiqet ta çojë atë në tetë ndeshje radhazi me të paktën një gol, në ndeshjen e fazës së 1/16-ve kundër Kepit të Gjelbër.

Gjatë këtyre shtatë ndeshjeve, Messi ka shënuar 11 gola. Në statistikat e tij përfshihen edhe dy dopieta (nga dy gola në një ndeshje): një në finalen e Botërorit 2022 kundër Francës dhe një tjetër pak ditë më parë kundër Austrisë, si edhe një tregolësh (hat-trick) në ndeshjen hapëse të Botërorit 2026 kundër Algjerisë.