Nga futbolli në luftë. Bataljoni i ultrasve Azov që po mbrojnë Mariupolin

Situata në Mariupol, një qytetin port në Ukrainën juglindore, është më e ndërlikuar se kurrë. Qyteti është i rrethuar dhe  sipas asaj që u njoftua nga zëdhënësi i Ministrisë së Jashtme të Ukrainës, Oleg Nikolenko armëpushimi gjithashtu u shkel nga rusët.

Por aty po bëhet edhe një rezistencë e madhe, dhe pjesë e mbrojtjes vendase është edhe bataljoni Azov, një repart ushtarak, që lindi nga ultrasit e futbollit në botë.

Pjesë e Gardës Kombëtare të Ukrainës dhe e krijuar me qëllimin kryesor për të kundërshtuar aktivitetet në rritje guerile të separatistëve pro-rusë në Donbass, reparti është bërë famëkeq pas disa akuzave për tortura.

I krijuar në maj 2014 nga bashkimi i dy grupeve paraushtarake nga galaktika e ekstremit të djathtë të Ukrainës, departamenti u themelua nga Andriy Biletsky. Nuk ka shifra zyrtare për numrin e anëtarëve të grupit paraushtarak, por ndoshta është 2 mijë persona, që bëhet rreth 10 mijë duke shtuar organizatat e tjera të lidhura me grupin, partinë e Korpusit Kombëtar dhe organizatat paraushtarake që nuk kanë lidhje me afrimet e tjera në ushtrinë ukrainase.

E veçanta e sipërpërmendur e këtij departamenti qëndron në lidhjen e tij me botën e futbollit. Batalioni Azov lindi nga një prej grupeve më të dhunshme ultras të Metalist Kharkiv, klubi i futbollit të qytetit në të cilin luajti për një sezon edhe Alejandro Papu Gomez.

Lidhja midis Batalionit Metalist dhe Azov është e dukshme nga simboli origjinal i batalionit, një lidhje që vazhdon edhe me themeluesin e lartpërmendur dhe ende kreun e regjimentit, militantin Andriy Biletsky, ish-ushtarak i njohur si "Fyhreri i Bardhë".

Shumë organizata e kanë cilësuar këtë grupim si të rrezikshëm dhe me ideologji të gabuar ndërsa sot ata po bëjnë rezistencë të madhe për mbrojtjen e Mariupolit./Ora News/.