Luis Enrique, “Trajneri i Vitit” në Ligue 1…

FRANCE - Suksesi i PSG -së këtë sezon ka shumë të bëjë me dorën e Luis Enriques.

Trajneri asturian fitoi kampionatin me ekipin francez pa humbur asnjë ndeshje dhe është vlerësuar si “Trajneri më i mire” i sezonit në Ligue 1.

Një çmim që vjen menjëherë pas sezonit të shkëlqyer të PSG-së, pavarësisht një fillimi disi të pasigurt të sezonit në Evropë. 

Në Ligue 1, ai nuk e ka humbur qetësinë, duke qenë i fuqishëm dhe efektiv në çdo skenar.

Në fakt, me 39 ndeshje pa humbur jashtë fushe , skuadra e Luis Enriques arriti të shkruante histori në pesë ligat kryesore dhe arriti një rekord të ri, pasi tejkaloi Milanin e Capellos (38 ndeshje).

Një moment i ri historik i trajnerit spanjol me PSG-në, i cili vazhdon. 

Liga e Kampionëve, objektivi kryesor…

Me ligën në dorë që nga fillimi i prillit, përparësia absolute për ekipin francez dhe Luis Enriquen është gara kryesore evropiane, ku vetë Luis Enrique nuk e ka mbajtur sekret preferencën e tij.

"Do ta pranoj humbjen kundër Nice nëse jam i garantuar se do të arrij në finalen e Ligës së Kampionëve", tha trajneri asturian në një konferencë për shtyp.

Një garë që filloi me disa humbje. Në fakt, atyre iu desh të kalonin fazën e play-off-it për të vazhduar në Ligën e Kampionëve.

Diçka që jo vetëm e arritën, por e kanë tejkaluar shumë, duke arritur në finalen e madhe ku do të përballen me Interin më 31 maj.