Lewandowski tremb Poloninë, sulmuesi dëmtohet dhe braktis miqësoren me Turqinë

Polonia mund të jetë në emergjencë totale në prag të finaleve të Europianit. Pas sulmuesit të Juventusit, Milik, mbrëmjen e kësaj të hënë, në miqësoren me Turqinë, janë dëmtuar Lewandowski dhe Swiderski.

Ajo që ndodhi me Karol Swiderskin është e pabesueshme. Sulmuesi i Veronas, në fakt, zhbllokoi rezultatin në minutën e 12-të, duke shfrytëzuar një asistim të Lewandowskit, por më pas e lëndoi veten pak çaste më vonë teksa po festonte.

Swiderski u nis me vrap drejt flamurit dhe, pasi rrëshqiti në gjunjë, u ngrit dhe ra keq. Ai ka mbështetur në mënyrë të panatyrshme kyçin e këmbës dhe menjëherë ka lënë përshtypjen e një lëndimi jashtëzakonisht të rëndë.

Swiderskit iu dha menjëherë ndihma e parë, por pavarësisht përpjekjeve, nuk mund ta vazhdonte ndeshjen, duke u zëvendësuar nga Piatek.

Ajo që ndodhi pak pas gjysmë ore ishte surreale. Lewandowski, pa dyshim njeriu më përfaqësues i Polonisë, u rrëzua përtokë dhe kërkoi zëvendësimin.

Qendërsulmuesi i Barcelonës arriti të largohej nga fusha në këmbë dhe sapo mbërriti në stol, një qese akulli iu vendos në këmbën e djathtë.

| Robert Lewandowski has left the match with Poland after 30 minutes after picking up an injury. pic.twitter.com/qtiEhRJUaL

— Barça Insider (@theBarcaInsider) June 10, 2024

Është e vështirë të thuash nëse Lewandowski u largua si masë paraprake apo jo, e sigurt është se në momentin që ai ndaloi, stadiumi ra në heshtje të plotë.

Ndeshja kundër Turqisë ishte ndeshja e fundit testuese e Polonisë para Euro 2024. Skuadra polake do të rikthehet në fushë më 16 qershor për t’u përballur me Holandën në ndeshjen e parë të fazës së grupeve.

Polonia është vendosur në një grup D ku përfshihen edhe Austria dhe Franca.