Ja kë zgjedh Messi si lojtarin më të mirë të historisë së Anglisë

Lionel Messi, legjenda argjentinase, ka zbuluar emrin e lojtarit anglez që ai beson se është ‘më i madhi’ ndonjëherë.

Duke pasur një karrierë të mbushur me arritje dhe trofe, 37-vjeçari ka pasur mundësinë të luajë kundër disa prej futbollistëve më të mëdhenj të botës, duke e bërë atë një gjykues të shkëlqyer të talenteve.

Ish-ylli i Barcelonës ka ndarë fushën me emra të njohur si Wayne Rooney, Steven Gerrard dhe David Beckham, por në një intervistë, ai ka zbuluar se kë konsideron ai si lojtarit më të mirë anglez.

Në vitin 2015, Messi e përshkroi Rooney-n si një ‘talent një herë në gjeneratë’ pas momentit të rëndësishëm kur ish-sulmuesi i Manchester United kaloi rekordin e golave të Bobby Charlton, për kombëtaren e Anglisë, një rekord që tani është thyer nga Harry Kane.

"Wayne Rooney është për mua një lojtar i vetëm një herë në një gjeneratë. Një nga ata lojtarë të veçantë që nuk krahasohet me askënd tjetër," tha Messi.

Megjithatë, pavarësisht fjalëve të mira për Rooney-n, Messi ka shprehur mendimin se një tjetër futbollist anglez është lojtari më i madh që ka dalë nga Anglia.

"Personalisht, unë mendoj se Steven Gerrard është lojtari më i mirë i Anglisë. I uroj një pensionim të lumtur," kishte thënë Messi në vitin 2016, kur Gerrard njoftoi se do të tërhiqej nga futbolli.

Në këtë mënyrë, Messi ka mbajtur një vlerësim të veçantë për Gerrard, duke e konsideruar atë si një figurë ikonike në futbollin anglez.