Dëmtohet Mbappe, te Reali të shqetësuar për sulmuesin

Lajme të këqija për Real Madridin. Kylian Mbappé ka ngritur alarmin gjatë ndeshjes së Champions League të, në Bergamo, kundër Atalantës. Francezi, autor i golit të parë, u detyrua të largohej nga loja në minutën e 35-të pas shqetësimeve fizike që pësoi.

Deri në atë moment, Mbappé kishte qenë shumë aktiv në lojë. Me lëvizje të vazhdueshme pa top, ai u përball tri herë me portierin kundërshtar, dhe në një prej këtyre rasteve arriti të shënonte golin e parë të ndeshjes. Vetë lojtari, i vetëm, u ul në tokë duke dhënë shenja shqetësimi.

Dukej qartë se bëhej fjalë për një dëmtim muskulor. Stafi i Realit reagoi menjëherë dhe vendosi ta zëvendësonte. Në vend të tij hyri Rodrygo, ndërsa Mbappé u largua nga fusha me një shprehje fytyre të shqetësuar, edhe pse pa dhimbje të tepruar. Trajneri Carlo Ancelotti e priti në vijën anësore dhe shkëmbyen disa fjalë.

Mbetet për t’u parë nëse Mbappé do të jetë i gatshëm për Interkontinentalen javën e ardhshme. Të mërkurën, më 18, në Doha, skuadra madrilene do të përballet me fituesin e ndeshjes Pachuca-Botafogo. Nuk dihet ende nëse Mbappé do të jetë në fushë për atë takim.