Barça ndjek me vëmendje situatën e portugezit, mund ta riblejë për 25 milionë euro

Barcelona po i kushton vëmendje çdo lëvizjeje rreth Francisco Trincao-s. Ish-lojtari i Barcelonës po shkëlqen përsëri me Sportingun e Lisbonës, duke treguar një nivel krejtësisht ndryshe nga ai që u shit për 7 milionë euro.

Anësori po zhvillon një sezon të madh, me 9 gola dhe 13 asistime, dhe disa klube të Premier League po e monitorojnë me interes.

Në ‘Camp Nou’, Barça ruan 50% të fitimit nga një shitje e ardhshme dhe ka një klauzolë riblerjeje deri në vitin 2026 për 25 milionë euro.

Ndërkohë, klubi portugez po përpiqet t’i rinovojë kontratën dhe tashmë ka nisur kontaktet për këtë çështje.

Trincao mbërriti te Sportingu në vitin 2022 si huazim nga Barça për 3 milionë euro, për t’u blerë më pas përfundimisht për 7 milionë.

Ai ka kontratë deri në 2027 dhe një klauzolë lirimi prej 80 milionë eurosh.

Trincao po tërheq vëmendjen në Manchester.

Sipas A Bola, ai është në radarët e Ruben Amorim, trajner i United, dhe Hugo Viana-s, drejtor sportiv të Manchester City.

Ai ka luajtur 3,464 minuta në 40 ndeshje, më shumë se çdo lojtar tjetër përveç Geovany Quenda, i cili ka më shumë paraqitje, por më pak minuta.

Ky nivel i lartë i lojës vjen që nga sezoni i kaluar.

Barça e transferoi Trincao-n në verën e 2020 për 31 milionë euro nga Sporting Braga. Ai u huazua tek Wolverhamptoni përpara se të kthehej në Portugali.

Trincao gjithmonë ka impresionuar Amorim dhe Viana, me të cilët ka punuar për dy sezone.