Abramovich gjen shpëtim në Portugali ku nuk mund t'i ndalohet hyrja në vend

Në janar të këtij viti, pa shpërthyer ende konflikti në Ukrain, Roman Abramovich u zbulua se kishte marrë pa shumë zhurmë pasaportën e një shteti europian, atë të Portugalisë.

Megjithese me polemika në vijim, ai vijonte të hynte në Britani si shtetas europian por sot nuk është më njësoj e megjithatë, në Portugali nuk mund t'i ndalet hyrja.

Portugalia do të zbatojë të gjitha sanksionet e vendosura në nivel të BE-së kundër oligarkut rus Roman Abramovich, por nuk është në gjendje ta ndalojë atë të hyjë në vend pasi ai është shtetas, deklaroi Ministri i Jashtëm Augusto Santos Silva.

Pas asaj që ndodhi, Portugalia ka forcuar ligjin që i mundësoi Abramovich të bëhej shtetas në prill 2021 që ofronte natyralizim për pasardhësit e hebrenjve sefardikë që u dëbuan nga gadishulli Iberik gjatë Inkuizicionit mesjetar.

Në janar, Instituti Portugez i Regjistrimeve dhe Noterisë (IRN) nisi një hetim mbi shtetësinë portugeze të oligarkut rus mes kritikave nga disa aktivistë dhe komentues.

Por ndryshimi i ri në ligj nuk do të jetë prapaveprues, tha Silva, që do të thotë se Abramovich do të mbetet shtetas i Portugalisë dhe do të vijojë të futet në kêtë vend ndërkohë qe qeveria Britanike i ka "sekuestruar" gjithçka, edhe klubin e Chelseat./Ora News/.