Kanceri oral, ja cilat janë shkaqet, simptomat dhe trajtimi

Kanceri oral i referohet një kanceri që zhvillohet në ndonjë nga pjesët që formojnë zgavrën e gojës.

Pjesë të tilla janë, si për shembull: Buzët, mishrat e dhëmbëve, gjuha, qiellza, zgavra e gojës dhe vija e brendshme e faqeve.

Kanceri oral shfaqet kur qelizat e trupit të njeriut shumohen në mënyrë të pakontrolluar dhe të shpejtë në të njëjtën kohë.

Qelizat e trupit të njeriut ndahen për të prodhuar qeliza të tjera të reja vetëm kur kërkohet për të mbajtur trupin e njeriut të shëndetshëm.

Nëse ndarja bëhet pa arsye, ka qeliza të tepërta të cilat rezultojnë në formimin e tumorit.

70 për qind e llojeve të kancerit që ndodhin në gojë,  preken nga duhani ose alkooli. Sëmundja zakonisht shfaqet tek personat mbi moshën 40-vjeçare.

Megjithatë, vitet e fundit, grupmosha e njerëzve që po përjetojnë këtë sëmundje është duke u zvogëluar.

Aktualisht, i referohet relativisht shpesh njerëzve që janë rreth moshës 30-vjeçare.

Simptomat më të zakonshme të kancerit oral përfshijnë këto:

1. Një plagë në buzë ose në gojë - kur mund ta dalloni se nuk shërohet

2. Një njollë e bardhë ose e kuqe në mishrat e dhëmbëve, gjuhën ose mukozën e gojës

3. Një fryrje në buzë ose në gojë

4. Gjakderdhje e pazakontë, dhimbje ose mpirje në zonën e gojës

5. Ënjtje e nofullës, apo fytit

6. Dhimbje veshi

7. Dhimbje, vështirësi në gëlltitje, ose përtypje

Shkaqet kryesore të kancerit oral përfshijnë:

1. Përdorimin e duhanit, si: cigare, puro, llulla apo argjilë, si dhe përdorimi i duhanit me përtypje (çamçakëz);

2. Konsumimi i alkoolit;

3. Një virus transmetueshëm seksualisht të quajtur papillomavirusi i njeriut (HPV); si dhe

4. Ekspozimi i tepërt i diellit në buzë.

Diagnoza e kancerit oral paraprin ekzaminimi klinik nga mjeku kompetent së bashku me biopsinë.

Nëse zbulohet kanceri oral, atëherë pacienti kontrollohet më tej për mundësinë e metastazave në pjesë të tjera të trupit.

Alternativat e trajtimit terapeutik të kancerit oral përfshijnë kirurgjinë, radioterapinë si dhe kimioterapinë.

Ju mund të keni nevojë për vetëm një nga këto lloje trajtimesh, ose mund të keni nevojë për një kombinim të këtyre trajtimeve.