Nuk morën vaksinën anti-Covid, dërgohen në shtëpi 54 zjarrfikës

Me urdhër të kreut të Brigadës së Zjarrfikësve, 54 zjarrfikës nga 8 Njësi të Veçanta të Menaxhimit të Fatkeqësive në Greqi janë liruar nga puna për shkak të mosvaksinimit kundër Covid 19.

Vendimi pritet të çojë në ankime masive si në gjykatat greke ashtu edhe në ato ëvropiane, pasi bie në kundërshtim të plotë me dispozitat e Kushtetutës së vendit por edhe me vendimet për mosdiskriminim të Parlamentit Evropian dhe Këshillit të BE.

Nga 54 zjarrfikës që largohen nga EMAK, 19 janë nga EMAK Athinë, e cila numëron 100 zjarrfikës.

Sipas informacionit nga "Jungle", ky vendim pritet të kundërshtohet  në rrugë ligjore dhe madje menjëherë.

Megjithatë largimi i 54 zjarrfikësve nuk do të thotë se ata janë pushuar nga Brigada e Zjarrfikësve. 

Ata do të zhvendosen në pozicione dhe shërbime që ata dëshirojnë, sipas Shtabit të Brigadës së Zjarrfikësve. 

Selia gjithashtu kujton se nëse ndonjë nga këta zjarrfikës vazhdon me dozën e parë të vaksinimit,  "atëherë dera është e hapur për kthimin e tij në EMAK".

Vendimi për vaksinimin e detyrueshëm të punonjësve që shërbejnë në Njësitë e Veçanta të Menaxhimit të Fatkeqësive u lëshua më 18 maj. 

Sipas vendimit, "në kontekstin e nevojës për të kufizuar dhe adresuar pandeminë e koronavirusit, për shkak të kushteve të veçanta të punës dhe sigurimit të funksionimit të pandërprerë operacional të shërbimeve, gjykohet e nevojshme të vaksinohen të gjithë punonjësit që shërbejnë në këto shërbime."