"NATO ka 23 vjet që trajnohet për të mbrojtur Kosovën", eksperti: Vuçiç e mori mesazhin se çfarë ndodh nëse sulmon

"NATO ka 23 vjet që trajnohet për të mbrojtur

Eksperti i strategjisë së mbrojtjes së NATO-s, Thomas Theiner, deklaron se presidenti i Serbisë, Aleksandar Vuçiç, mori mbrëmë një mesazh të qartë nga aleanca se çfarë e pret nëse e sulmon Kosovën.

 “Mbrëmë oficerët e Shtabit të Përgjithshëm të Serbisë i shpjeguan presidentit Vuçiç se nëse ai urdhëron ta sulmojë Kosovën, avionët e NATO-s brenda disa orësh do t’i bombardonin forcat serbe dhe brenda 48 orësh Brigada Ajrore 173 e Ushtrisë Amerikane do të zbarkojë në Aeroportin e Prishtinës dhe Brigada e Parashutistëve të Ushtrisë Italiane “Folgore” do të zbarkojnë në Aeroportin e Gjakovës (të cilin ushtria italiane e ndërtoi për këtë qëllim)” – tha Theiner.

Ai theksoi se me këtë rast do të mobilizohej edhe flota detare italiane.

"Një ditë më pas Brigada e Mekanizuar e Ushtrisë Italiane “Pinerolo” e cila është vendosur në Bari do të ankorohej nga Divizioni i 3-të Detar i Marinës Italiane me anijet e tij amfibe nga Brindisi në Durrës brenda 2 ditëve. Nga Durrësi në Mitrovicë, me anijet “Freccia IFV” me rrota të Pinerolo-s dhe shkatërruesve të tankeve Centauro u duhen 6 orë falë autostradës A1 të bashkëfinancuar perëndimore”, theksoi ai.

Eksperti i NATO-s shtoi se Aleanca Veriatlantike që 23 vjet trajnohet për të mbrojtur Kosovën në raste të tilla.

“Shkurt: NATO ka 23 vjet që planifikon dhe trajnohet për ta mbrojtur Kosovën; nëse serbët ndonjëherë shkojnë ta ballafaqojnë NATO-n”- shtoi eksperti italian.

Italiani tha se kjo do të merrte fund “në ajër brenda pak orësh” dhe “në tokë brenda pak ditësh”.

“Dhe NATO u sigurua që gjeneralët e Serbisë ta dinë këtë, por Vuçiç është një klloun” – tha Kleiner.

EMISIONET