Më shumë se 80 plumba në drejtim të makinës, ekzekutohet 43-vjeçari në Shkup

Më shumë se 80 plumba në drejtim të makinës,

Rreth orës 22:00 të mbrëmjes së djeshme ka ndodhur një përleshje e armatosur në afërsi të një restoranti në lagjen “Butel” të Shkupit.

Mediat shkruajnë se ka mbetur i vrarë një person me inicialet (K.I). Nga përplasja e armatosur kanë mbetur të plagosur edhe dy persona të tjerë.

Personi i vrarë është 43-vjeçari Kamer Idrizi, i njohur për policinë si person problematik.

Ndërkohë, në rrezik për jetën është edhe E.I, 22-vjeçar nga Haraçina, i cili ndodhej në veturën e Kamerit në momentin kur persona të panjohur kishin gjuajtur me armë automatike.

Kameri, siç informon policia, ka vdekur rrugës për në spital, ndërsa me gjashtë plumba në urgjencë është dërguar edhe 22-vjeçari nga Haraçina.

Ngjarja ka ndodhur rreth orës 22.00 në parkingun në kryqëzimin e bulevardeve ‘Bosnjë dhe Hercegovina’ dhe ‘Hristijan Todorovski-Karpos’, ndërsa ishin gjuajtur mbi 80 plumba në veturën Golf në të cilën ishte Kameri dhe i riu nga Haraçina.

Ndryshe, Kamer Idrizi për opinionin e gjerë u bë i njohur në vitin 2019, kur disa persona të maskuar, gjuajtën dhjetëra plumba ndaj tij në hotel Aleksandar në Shkup.

Në profilin e tij në Facebook mund të shihen foto të shumta të Kamerit me zyrtarë të lartë të LSDM-së. /koha.mk/

EMISIONET