“Më mbytën” Rama reagon sërish: Nuk më intereson kush e gjuajti shishen e parë, kjo nuk i bën mirë Kosovës

Kryeministri Rama ka reaguar sërish në Twitter për sherrin e ndodhur në Kuvendin e Kosovës, pasi ka marrë dhunë reagime nga ndjekësit.

Ai shkruan se nuk i intereson se kush e gjuajti shishen e parë të ujit, pasi kjo nuk është demokracia dhe shton se Kosova nuk ia ka borxh askujt besoj shfaqjen skandaloze të ditës së sotme.

Rama: Më “mbytën” miq nga Kosova pse e paskam mbrojt Albinin, se shishen e parë e paska gjujt Bislimi dhe paska qenë VV që e paska hap kapitullin e dhunës në Kuvendin e Kosovës kur ishte në opozitë! Nuk më duhet kush e ka gjujt shishen e parë, mbase keni të drejtë ju, mbase jo, por nëse demokracia parlamentare katandiset në kush gjujti i pari atëherë kemi një problem edhe me kuptimin e demokracisë, edhe me kuptimin e këtij momenti kyç për Kosovën, e cila nuk ia ka borxh askujt besoj shfaqjen skandaloze të ditës së sotme.

Dhe si dikush që e di mirë se sa poshtë ka rënë Kosova në sytë e krejt botës demokratike për shkak të qasjes së gabuar të qeverisë së saj, unë vazhdoj mendoj se çka ndodhi sot është e turpshme dhe jam i bindur se justifikimi i asaj shëmtie nuk e ndihmon, po e dëmton ende më shumë reputacionin e Kosovës, prandaj thashë dhe e them prapë se uroj që opozita të distancohet nga një shëmti e tillë!