"Rama-McGonigal", Business Insider: Shkëmbim klasik favoresh korruptive me kryeministrin shqiptar! Meta: Koha për ndëshkim!

Nuk ndalen jo vetëm raportimet nga mediat më të mëdha ndërkombëtare për skandalin mes Edi Ramës dhe Charles McGonigal, por as reagimet e opozitës me këtë skandal.

Kryetari i Partisë së Lirisë, Ilir MeTa pasi ka cituar raportimin me të fundit të prestigjiozes amerikane “Business Insider” mbi aferën e kryeministrit Edi Rama me agjentin e arrestuar të FBI, Charles McGonigal, është shprehur se për kreun e qeverisë shqiptare ka ardhur koha për ndëshkim. 

“Media prestigjioze amerikane “Business Insider” fakton sërish  lidhjen e errët të Kryeministrit Edi Rama me McGonigal. “Business Insider” vë në dukje se:

“Në Shqipëri dhe gjetkë, McGonigal akuzohet se është përfshirë në shkëmbimin klasik të favoreve në këmbim të parave, duke u mbështetur në marrëdhëniet e tij me zyrtarët amerikanë dhe Kryeministrin shqiptar për të dhënë rezultatet që klientët e tij kërkonin.

Pjesa më e madhe e këtij aktiviteti lobues ‘nën tavolinë’, thotë Qeveria, ndodhi kur ai ishte ende në FBI”. Koha për ndëshkim”, nënvizon Ilir Meta në përfundim dhe shton edhe artikullin në vijim.

Raportimi i "Business Insider"

Sërish media prestigjioze amerikane, "Business Insider" ka faktuar lidhjet e errëta mes kryeministrit shqiptar Edi Rama dhe ish-agjentit të lartë të FBI-së, Charles McGonigal.

“Në Shqipëri dhe gjetkë, McGonigal akuzohet se është përfshirë në shkëmbimin klasik të parave për favore, duke u mbështetur në marrëdhëniet e tij me zyrtarët amerikanë dhe kryeministrin shqiptar, për të dhënë rezultatet që kërkonin klientët e tij.

Pjesa më e madhe e këtij aktiviteti lobues nën tryeze, thotë qeveria, ndodhi kur ai ishte ende në FBI,” shkruan media e madhe.

“Por pyetja se çfarë po pranonte McGonigal në një zarf nga një ish-diplomat sovjetik, ngre shqetësime që shkojnë përtej aktakuzave dhe është një nga kthesat më të çuditshme në skandalin që po shpaloset.

FBI është në garë për të zbuluar se sa të thella mund të jenë mashtrimet e supozuara nga një ish-agjent që kishte mbajtur një nga postet e saj më të ndjeshme.

A po punonte McGonigal për rusët, ndërsa ai drejtonte ende përpjekjet e kundërzbulimit të byrosë në Nju Jork? Apo ia doli FBI që t’i jepte fund miqësisë së Deripaskës me McGonigal, ndërsa ishte ende në fazat e para?

“Aksesi që keni në atë punë është e jashtëzakonshme,” tha një i brendshëm i lartë në fushën e zbatimit të ligjit. “Është pothuajse pa fund. Nëse drejtoni kundërzbulimin e FBI-së në Nju Jork, mund të keni në dorë çdo gjë që dëshironi- dhe jo gjithmonë duhet të kërkoni justifikime përse po e kërkoni atë”.

E djathta e lidhur me Trump ka përdorur akuzat e McGonigal si municion për fushatën e saj për të diskredituar FBI-në që zotëron dosjen dhe bastis Mar-A-Lagon. Zërat e njohur nga e majta kanë teorizuar se McGonigal ishte një agjent i dyfishtë, i paguar nga rusët për të nxjerrë nga shinat hetimet për lidhjes mes Trump dhe Rusisë.

Të tjerë spekulojnë se Trump u bë i pangopur, siç bëjnë ndonjëherë zyrtarët e nivelit të lartë, duke pranuar para në këmbim të favoreve dhe eksesit dhe duke qenë më i pakujdesshëm se shumica.

Por ta quash rastin e McGonigal si një rast lakmie dhe jo spiunazhi, do të thotë të keqkuptosh se si funksionon ndikimi i huaj. Nuk duhet të jetë lakmi apo spiunazh. Mund të jenë të dyja,” shkruan Business Insider.

Por portali paralajmëron se gjërat do bëhen më keq.

“Çështja McGonigal është që tani një imazh i keq për ata që janë të ngarkuar me ruajtjen e sekreteve amerikane; ka mundësi që të përkeqësohet më shumë. McGonigal nuk u akuzua për spiunazh, dhe megjithëse aktualisht nuk ka asnjë provë që McGonigal ka kryer spiunazh, një burim i FBI tha për Insider se hetimi është në vazhdim.

Një person i dytë, i njohur me hetimin, tha se divizioni i kundërzbulimit të FBI-së dukej i sigurt se çështja McGonigal ka të bëjë me korrupsionin dhe asgjë më shumë. Fakti që prokurorët ranë dakord të lironin McGonigal me një garanci prej 500 mijë dollarësh, sugjeron gjithashtu se qeveria nuk mendon se ai ishte i përfshirë në spiunazh, gjë që do ta bënte atë një rrezik fluturimi.

Por përjashtimi i skenarit më të keq- që McGonigal po ndante sekretet e SHBA me kontaktet e tij të huaja- mund të zgjasë disa muaj ose vite”, theksohet në shkrim.

Duke u fokusuar sërish te dëshmia e ish-të dashurës së McGonigal, Allison Guerriero, Insider shkruan se në fakt FBI i nisi verifikimet që në vitin 2019, kur ish-e dashura e McGonigal, në gjendje të dehur dhe e zemëruar nga ndarja me të dashurin, i dërgoi një email drejtuesve të FBI.

“Tre burime që kanë njohuri për hetimin i thanë Insider se byroja kishte nisur verifikimet ndaj McGonigal që në nëntor të vitit 2019, kur Guerriero thotë se ajo shkroi një email të zemëruar për William Sweeney, shefit të McGonigal.

Sipas Guerrieros, ai email, të cilin Insider nuk ishte në gjendje ta merrte ose konfirmonte, i tregonte Sweeney-t që të verifikonte punën e McGonigal në Shqipëri dhe jetën e tij personale”.

Portali paralajmëron se çështja në fjalë është më e rëndë dhe më e madhe se e FBI-së.

“Një burim i brendshëm i Uashingtonit, me dekada përvojë në financat ndërkombëtare tha se çështja e ngritur nga çështja McGonigal është më e madhe se FBI. Problemi i dyerve rrotulluese, thanë ata, paraqet rreziqe të mëdha për të gjithë qeverinë federale.

“Ajo që McGonigal dhe të gjithë këta budallenjtë e tjerë nuk e kuptojnë është se për Deripaska-t e botës, kjo është si të blesh në supermarket. Ata po qeshin me faktin se sa lirë blihen amerikanët”,” thekson Business Insider.

opozita protesta hetimet skandali charles mcgonigal skandali fbi edi rama ilir meta protesta hetimet