Basha merr zyrtarisht lejen nga FIFA per tu aktivizuar me Shqiperinë kundër Norvegjisë
Nga OraNews Përditësimi i fundit 20 Mars 2013, 12:42
Edhe pse flitej se mund të luante vetëm në ndeshje miqsore tashmë ëshë bërë zyrtare që Migjen Basha të jetë pjesë e kombëtares që në ndeshjen e eliminatoreve Brazil 2014. Organizmi më i lartë i futbollit botëror FIFA i ka dhënë dritën jeshile sulmuesit të Torinos për të veshur fanellën e kombëtares kuqezi, gjë të cilën do ta bëjë që nga ndeshja e radhës, ajo mes Norvegjisë dhe Shqipërisë, në Oslo.Miratimi i FIFA-s mbërriti pas kërkesës së Federatës Shqiptare të Futbollit dhe vetë futbollistit Basha, që aktualisht luan në Serinë A për skuadrën e Torinos.Vendimi i Komitetit Ekzekutiv të FIFA-s mundëson që Basha të luajë ndeshjen e parë me kombëtaren kuq e zi që ditën e Premte. Miratimi i Fifa-s që mesfushori kosovar të aktivizohet që në ndeshjen ndaj Norvegjisë do të thotë një mundësi më shumë taktike në mesfushë për trajnerin e kombëtares, Gianni De Biasi.Migjen Basha ka lindur në Zvicër më 9 Qershor 1987 nga dy prindër shqipëtarë nga Suhareka e Kosovës. Karrierën e tij në futbollin profesionist e nisi me Luisanën në vitin 2004-2005. Në 2006 kaloi tek Lukese. Një vit më vonë tek Viareggio, më pas në 2008 deri në 2010 tek Rimini dhe Frosinone. 2010-2012 kaloi tek Atalanta, skuadër që e huazoi tek Torino. Po në të njëjtin vit, skuadra torineze blen kartonin e tij.Sa i përket ndeshjeve me kombëtaren, Basha ka luajtur në ekipet e grupmoshave të reja për Zvicrën, shtatë ndeshje me U19 dhe një ndeshje me U21. Tani pas shumë diskutimesh e kërkesash ka ardhur edhe vendimi përfundimtar që Basha të luajë ndeshjen e parë me kombëtaren kuq e zi që ndaj Norvegjisë në Oslo të premten në mbrëmje.
