Gilman Lika drejt Skënderbeut për ndeshjet e Chempions League
Nga OraNews Përditësimi i fundit 18 Qershor 2013, 10:52
Tratativa për kalimin e Gilman Likës tek Skënderbeu për ndeshjet e Uefa Champions League, është drejt përfundimit me një "Happy end". Burime të sigurta pranë klubit të Tiranës bëjnë të ditur se në orët e ardhshme pritet të zyrtarizohet marrëveshja midis presidentit të skuadrës kampione, Ardian Takaj dhe administratorit të bardhebluve, Krenar Alimehmeti.Pas një sërë negociatash deri diku dhe të lodhshme, duket se është arritur marrëveshja që mesfushori shkodran të aktivizohet me Skënderbeun vetëm për ndeshjet e Champions League. Ndërkohë klubi kampion i Shqipërisë ka detyrimin të shlyejë pagën e dy muajve, Qershor dhe Korrik, periudhë në të cilën Lika do të konsiderohet pjesë e korçarëve. Tirana pretendonte që përvec pagës së dy muajve, korçarët të paguanin në arkën e klubit kryeqytetas dhe një shumë rreth 10 mijë euro, si dëmshpërblim për aktivizimin e tij me fanellën bardhekuqe.Kapiteni i Tiranës është një nga lojtarët më të lakmuar në merkaton shqiptare, pasi përveç Skënderbeut në gjurmët e tij është edhe Flamurtari, aty ku sezonin e ardhshëm pritet të aktivizohen dhe dy shokët e Gilmanit, Ilion Lika dhe Dushku, të dy ish futbollsitë të Tiranës në sezonet e fundit.Megjithatë burimet që bënë të dituar arritjen paraprake të marrëveshjes për kalimin e Gilman Likës në Korcë, nuk theksojnë se cila do të jetë e ardhmja e tij në muajin Gusht. Pas huazimit tek kampionët, Gilman Lika pritet të mësojë përfundimisht edhe të ardhmen e tij, që me shumë gjasa mund të qëndrojë me “Ujqërit e Dëborës”, gjithmonë nëse i pëlqen amienti atje dhe nëse mes kryeqytetasve dhe kampionëve të Shqipërisë arrihet një marrëveshje tjetër për blerjen e kartonit të shkodranit.
