Skandali seksual Benzema- Ribery, dy futbollistët rrezikojnë burgun
Nga OraNews Përditësimi i fundit 18 Qershor 2013, 08:33
Futbollistët e kombëtares franceze, Karim Benzema dhe Franck Ribery janë përfshirë në një skandal seksual pasi akuzohen se kanë shfrytëzuar shërbimet e prostitutës Zahia Dehar, atëherë nën moshën 18-vjeçare.
Dy futbollistët akuzohen se kanë pasur marrëdhënie seksuale me prostitutën që asokohe ishte nën moshë madhore, ndërsa nëse shpallen fajtorë, ata mund të dënohen me tre vjet burg dhe 450.000 euro në para.Karim Benzema i ka shfrytëzuar shërbimet e prostitutës Zahia Dehar në vitin 2008, ndërsa Franck Ribery në vitin 2009.
Vetë Zahia u ka dalë në mbrojtje klientëve të saj, duke u thënë hetuesve se i kishte gënjyer Benzeman dhe Riberyn për moshën duke u thënë se është mbi 18 vjeç.
Meqenëse i ka gënjyer për moshën, gjasat janë shumta që dy futbollistët e kombëtares franceze të dënohen me burg.
