Kontrabandë cigaresh, arrestohet 62-vjeçari në Tiranë

Një 62-vjeçar në Tiranë është arrestuar nga Seksioni për Hetimin e Krimeve Ekonomik e Financiare për kontrabandë cigaresh.

Në pranga ka rënë shtetasi Z. M, banues në kryeqytet.

Gjatë kontrollit të ushtruar në automjetin që drejtonte shtetasi Z. M., shërbimet e Policisë kanë gjetur dhe sekuestruar, në cilësinë e provës materiale, 101 steka me paketa cigaresh, të dyshuara të kontrabanduara.   

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.