LIVE/ Shpërthime të fuqishme në Kiev, deri tani 10 të vrarë dhe rreth 60 të plagosur
Nga OraNews Përditësimi i fundit 10 Tetor 2022, 14:11
Sirenat e sulmit ajror u dëgjuan në kryeqytetin ukrainas mëngjesin e sotëm dhe katër sulme të njëpasnjëshme pasuan alarmin. Kryebashkiaku i Kieveit foli për disa shpërthime në qendër të qytetit vetëm disa orë pasi Vladimir Putin “akuzoi” forcat ukrainase se shkaktuan shpërthimin në urën e Krimesë. Deri tani flitet për 10 të vrarë dhe rreth 60 të plagosur.
LAJMI NË PËRDITËSIM
Ora 14:03 Numri i viktimave nga shpërthimet në Kiev shkon në 10 persona
Ora 13:36 Rusia gjuajti 83 raketa sot në Ukrainë, 43 prej tyre u rrëzuan nga forcat ajrore
Ora 13:15 Sulmet ruse janë krim lufte, thotë BE
Ora 13:01 Liderët evropianë reagojnë ndaj 'barbarizmit' rus
Ora 12:56 Putin konfirmon sulmet ruse në Kiev, duke lëshuar një paralajmërim të ri
Ora 12:51 Konsullata gjermane goditet me raketa në Kiev
Ora 12:31 Vetëm pak metra larg, vajza ishte live kur ndodhi shpërthimi në Kiev, momenti i frikshëm
Ora 11:51 Shpërthimi në Kiev i filmuar nga xhami i makinës
Ora 11:11 Zelenski: Shpërthimet në Kiev synojnë infrastrukturën energjetike të të gjithë vendit
Ora 10:47 Fëmijët këndojnë himnin kombëtar ukrainas në vendstrehim pas shpërthimeve në Kiev, shikoni videon
Ora 10:21 Publikohen video nga shpërthimet në Kiev
Ora 09:45 Bilanci i parë i shpërthimeve në Kiev: 8 të vdekur, 24 të plagosur e makina të djegura
Ora 09:37 Gazetari i BBC-së po raportonte Live kur ndodhën shpërthimet në qendër të Kievit, shikoni videon
Ora 09:29 Shpërthimet në Kiev/ Zelenski: Ata po përpiqen të na fshijnë nga faqja e dheut!
Ora 09:15 Reagojnë zyrtarët ukrainas për shpërthimet në Kiev: Sulmet janë provë terrorizmi
Ora 09:06 Shpërthimet në Kiev/ Forcat ruse janë nën presion thotë Britania e Madhe
Ora 08:40 Lufta në Ukrainë/ Shpërthime të fuqishme në Kiev
Të paktën dy shpërthime u dëgjuan në qendër të Kievit pak pas orës 08:00 me orën lokale.
Kjo është hera e parë që Kievi goditet për shumë muaj dhe shpërthimet gjithashtu duken të jenë shumë më qendrore se sulmet e mëparshme në luftë.
Shërbimet e emergjencës ukrainase raportojnë për viktima dhe të plagosur nga shpërthimi por ende nuk janë të qarta detajet.
Gazetari Andriy Tsapliyenko tha se të paktën një civil u vra në sulm.
Ministri i Mbrojtjes i Ukrainës ka thënë se "guximi i vendit të tij nuk do të shkatërrohet kurrë nga raketat e terroristëve, edhe kur ato godasin zemrën e kryeqytetit".
Ka raportime për sulme gjatë natës edhe në Dnipro dhe Zaporizhzhia. Gjithashtu, kryebashkiaku i kryeqytetit të Ukrainës, Vitali Klitschko, thotë se ka pasur disa shpërthime në lagjen qendrore Shevchenkivskyi.
"Një ndërtesë banimi shumëkatëshe u shkatërrua përsëri. Ka viktima,"postoi guvernatori rajonal i Zaporizhzhia, Oleksandr Starukh në Telegram.
Moska nuk ka komentuar ende mbi shpërthimet e raportuara në mbarë Ukrainën këtë mëngjes.
Sulmet vijnë vetëm disa ditë pasi ura e vetme që lidh Rusinë me Krimenë e aneksuar u dëmtua nga një shpërthim.
Presidenti rus Vladimir Putin ka akuzuar Ukrainën për sulmin e kësaj ure dhe e ka quajtur një "akt terrorizmi".
Putin tha dje se forcat e inteligjencës së Ukrainës kishin synuar të shkatërronin një pjesë kritike të infrastrukturës civile të Rusisë.
Zyrtarët rusë thonë se tre persona u vranë në shpërthimin në urën Kerç të shtunën, pasi ishin në një makinë aty pranë kur sipas tyre, shpërtheu një kamion.
