Marina Mbretërore kap drogë me vlerë 17 milionë euro në Detin Arabik
Nga OraNews Përditësimi i fundit 10 Tetor 2022, 08:01
Marina Mbretërore ka sekuestruar drogë me vlerë më shumë se 17 milionë euro nga një varkë në Detin Arabik.
870 kg metamfetaminë kristal u gjetën nga ekuipazhi i HMS Montrose në një operacion gjashtë orësh.
Kjo ishte bastisja e pestë e drogës nga marina këtë vit.
Oficerja e HMS Montrose tha se konfiskimi ishte një goditje e madhe për bandat kriminale dhe terroristët që përdorin drogë për të financuar aktivitetet e tyre.
"Përçarja e organizatave terroriste, kriminelëve dhe linjave të tyre të financimit është çelësi për të mbajtur sigurinë në Mbretërinë e Bashkuar dhe pjesën tjetër të botës," tha komandantja Claire Thompson.
HMS Montrose, me qendër në Devonport, Plymouth, është vendosur në Lindjen e Mesme që nga viti 2019. Ajo ka sekuestruar rreth 53.5 milionë euro drogë dhe dy dërgesa të paligjshme armësh deri më tani këtë vit.
