Sulmet ruse janë krim lufte, thotë BE
Nga OraNews Përditësimi i fundit 10 Tetor 2022, 13:15
Disa raketa ruse kanë sulmuar Kievin dhe qytete të tjera të Ukrainës rreth orës 08:00 mëngjesin e sotëm. Deri tani janë konfirmuar tetë të vdekur dhe dhjetëa të tjerë të plagosur. Shpërthimet kanë shkaktuar dëme kritike në infrastrukturë.
Bashkimi Evropian i përshkruan sulmet ruse ndaj civilëve në Ukrainë si një "krim lufte".
Komisioni Evropian i përshkruan sulmet me raketa që shihen në Kiev dhe qytete të tjera si "barbare dhe frikacake".
Zëdhënësi i Punëve të Jashtme Peter Stano i quan sulmet "të neveritshme" ndaj civilëve dhe infrastrukturës civile në "termat më të forta të mundshme".
Kuptohet se vende si Polonia po bëjnë presion për sanksione të mëtejshme, duke përfshirë kufizime të reja tregtare dhe një ndalim për rusët që të blejnë prona në BE.
Blloku sapo miratoi një raund të tetë sanksionesh javën e kaluar pas disa negociatave të konsiderueshme midis vendeve.
Stano thotë se vendet anëtare të BE-së po vendosnin për hapat e ardhshëm.
Ai shton se BE-ja është e përkushtuar të ofrojë ndihmë të mëtejshme ushtarake me këstin e fundit të financimit që po finalizohet midis shteteve anëtare.
