Putin konfirmon sulmet ruse në Kiev, duke lëshuar një paralajmërim të ri
Nga OraNews Përditësimi i fundit 10 Tetor 2022, 12:56
Presidenti rus Vladimir Putin ka konfirmuar sulmet në Kiev dhe një sërë vendndodhjesh të tjera në Ukrainë këtë mëngjes.
Shpërthimet që ndodhën rreth orës 08:00, shkaktuan vdekjen e të paktën tetë civilëve dhe plagosjen e dhjetëra të tjerëve.
Në një video, presidenti rus thotë se raketat me rreze të gjatë godasin objektet energjetike, ushtarake dhe të komunikimit.
Putin premton një përgjigje "të ashpër" ndaj çdo akti tjetër "terrorist" në territorin rus.
Udhëheqësi rus pritet sot të takohet me këshillin e tij të sigurisë dhe të diskutojë shpërthimin në fundjavë në një urë që lidh Rusinë me Krimenë - diçka për të cilën ai fajëson Ukrainën.
