Operacioni me 107 të arrestuar në Spanjë e Gjermani, si u ra në gjurmët e rrjetit të drejtuar nga shqiptarët

Nga OraNews Përditësimi i fundit 1 Shtator 2021, 17:05

Një organizate kriminale ndërkombëtare të trafikut të lëndëve narkotike është finalizuar në një operacion të madh policor të zhvilluar në disa vende të Evropës, përfshirë edhe Shqipërinë.

Në këtë operacion janë sekuestruar një ton marijuanë të përpunuar dhe rreth 25,000 bimë marijuane në Tarragona, Barcelona, ​​Girona dhe Castellón.

Operacioni është zhvilluar nga autoritetet e Gjermanisë dhe Shqipërisë me mbështetjen e EUROPOL, ku janë arrestuar 107 persona.

Ky operacion është pjesë e luftës së koordinuar të autoriteteve policore ndërkombëtare kundër krimit të organizuar me origjinë shqiptare, një fenomen në zgjerim pas evolucionit dhe pozicionimit të tij në botën e trafikut të drogës.

Pas shpërndarjes së tij, vlera e drogës u 5-fishuar

Hetimi filloi në qershor të vitit të kaluar pasi u mësua për një rrjet kompleks të cilët, po mbulonin një organizatë me origjinë shqiptare të vendosur në Spanjë. 

Ky rrjet ishte i përbërë nga punëtorë nga sektorët e pasurive të paluajtshme dhe të energjisë elektrike, të cilët ndihmuan organizatën të vendoset në Spanjë duke u siguruar atyre logjistikën dhe infrastrukturën e nevojshme për rritjen e marijuanës. 

Pasi u krye ky kultivim masiv, ajo u shpërnda nga vende të ndryshme në Evropë, përfshirë Gjermaninë, ku vlera e drogës u shumëfishuar me pesë. 

Droga u kap në një ngarkesë fistikësh

Ishte në kryeqytetin e Gjermanisë, Berlin ku, në fund të vitit 2020, njëra nga dërgesat u neutralizua nga policia. 

Kjo organizatë synonte të maskonte 140 kilogramë marijuanë të paketuara në një ngarkesë fistikësh përmes një kompanie britanike. 

Në këtë fazë të hetimit u arrestuan tre shtetas shqiptarë, ku u sekuestruan 100 kilogramë të tjera marijuanë, 700 gram kokainë dhe më shumë se 2,000 euro para cash. 

Pas atij veprimi, agjentët filluan hetimet në Spanjë mbi drejtuesit e rrjetit dhe metodat e shpërndarjes së tyre. 

Falë bashkëpunimit ndërkombëtar me Gjermaninë, Shqipërinë dhe EUROPOL, ishte e mundur të identifikoheshin krerët e organizatës kriminale, konkretisht një klani i familjes shqiptare që banonte në Gjermani dhe Spanjë. 

Pas kësaj, ishte e mundur të gjendej një nga drejtuesit e rrjetit i cili, së bashku me anëtarët e tjerë të familjes, drejtonin një rrjet të madh të dedikuar për trafikun ndërkombëtar të marijuanës.

400 agjentë në ndjekje të rrjetit 

Majin e kaluar një dërgesë e re në Gjermani u kap, ku organizata kishte punësuar një shofer sllovak, i cili fshehu 100 kilogramë marijuanë në mesin e ngarkesës së kamionit. 

Në të njëjtën kohë, në Reus, një prodhim prej 1,170 bimësh u sekuestrua, ku u ndaluan tre shtetas shqiptarë që ishin anëtarë të rrjetit kriminal. 

Një dislokim i gjerë prej rreth 400 agjentësh bënë që të kryheshin 42 ndërhyrje dhe kërkime të njëkohshme në Tarragona, Barcelona, ​​Girona dhe Castellón. 

Bilanci i përgjithshëm i hetimit, që zgjati më shumë se një vit, përfundoi në 107 persona të ndaluar dhe 51 prona të regjistruara në të cilat janë shpërbërë disa plantacione të brendshme të marijuanës. 

Agjentët kapën një ton marijuanë të përpunuar, rreth 25,000 bimë marijuanë, rreth 70,000 euro para të thata, një armë gjahu, një bllokues frekuencash dhe tre automjete.

Për mirëmbajtjen e këtyre plantacioneve ata kishin bërë lidhje të paligjshme të energjisë elektrike.

Është vlerësuar se konsumi i gjeneruar nga plantacionet ka shkaktuar një mashtrim prej më shumë se 1,600,000 euro.

Lufta e koordinuar kundër krimit të organizuar shqiptar

Evolucioni i organizatave kriminale shqiptare në botën e trafikut të drogës është i dukshëm pasi ato janë të pranishme në operacione të rëndësishme të kryera ndërkombëtarisht. 

Ky hap cilësor dhe sasior i ka lejuar këto rrjete të fitojnë terren dhe të konkurrojnë me organizata të tjera, të tilla si mafia italiane dhe organizatat kriminale ballkanike dhe është kryesisht për shkak të fuqisë ekonomike që ata kanë marrë nga biznesi i marijuanës.

Kërcënimi i krimit të organizuar shqiptar është i tillë që, aktualisht, ka shumë projekte ndërkombëtare me qëllim përmirësimin e luftës nga autoritetet policore ndërkombëtare kundër këtij fenomeni në zgjerim. 

Ka edhe projekte të tjera ndërkombëtare Kundër Krimit në Ballkanin Perëndimor, të kryera drejtpërdrejt në Shqipëri me qëllim intensifikimin e luftës kundër krimit të organizuar dhe që inkurajon krijimin e ekipeve të përbashkëta hetimore midis Policisë Shqiptare dhe vendet e treta.