Zbulohet e vërteta/ Ish-banori Big Brother VIP flet për sëmundjen e rrallë të Luiz Ejllit

Historia e sëmundjes së rrallë të Luiz Ejllit ka prekur çdo shqiptar. Disa zgjodhën të mos e besojnë, por shumica qëndruan krahë Luizit dhe vazhdojnë ende ta mbështesin.

Luizi në fillim pohoi se vuan nga nje sëmundje e rëndë e mëpas e mohoi. Ndërsa analizat lanë pikëpyetje te shumë ndjekës.

Por si qëndron e vërteta? A vuan Luiz Ejlli nga një sëmundje e rëndë?

Përgjigjen e kësaj pyetje e dha ish-konkurenti i Big Brother VIP, modeli Eni Tare, i cili ka qenë së fundmi i ftuar përballë moderatores Ester Bylyku, ne emisionin 'Glamour Zone'.

'Luizi nuk është sëmurë. Unë kam qëndruar shumë ditë pranë tij dhe nuk kam parë asnjë shenjë të ndonjë sëmundje. Fatmirësisht ai është shëndosh e mirë' u shpreh Eni.

Në vijim modeli tha se momenti kur Luizi foli për sëmundjen i doli nga kontrolli dhe lëndoi Kiarën.

Ndër të tjera në intervistë, Eni zbuloi për herë të parë nese mes Kiarës dhe Luizit ka dashuri apo po luhet lojë.

Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.

Për të zbuluar gjithçka, ndiqni intervistën e plotë në videon e mëposhtme.