Tarantino fiton çmimin "karrierë" në Festivalin e Filmit në Romë

Regjisori amerikan me famë botërore Quentin Tarantino ka marrë një çmim special në Festivalin e Filmit në Romë. Në këtë mënyrë, juria vlerësoi kontributin e tij gjatë gjithë jetës në kinema.

Gjithmonë i apasionuar pas kinemasë italiane, autor i veprave të mëdha nga "Hyenas", "Kill Bill", "Pulp fiction", "Bastards Inglourious" etj, Tarantino është shumë i dashur nga fansat e tij.

"Unë nuk e di se cili do të jetë filmi tjetër që do të bëj, ndoshta ai që ju sugjeruat, Kill Bill III, nuk e përjashtoj." Kështu iu përgjigj regjisori një pyetjeje gjatë një masterklase përpara mijëra fansave të tij, para se të merrte trofeun.

Regjisori amerikan u ndal gjatë në nevojën për të shprehur veten pa u ndikuar nga kritikat.

"Duhet të kesh aftësinë të pranosh që disa njerëzve nuk do tu pëlqejë filmi yt. Nëse filmi bëhet temë bisede, ai shpreh shpirtin e kohës, kjo është e mirë: disa nuk do ta pëlqejnë kurrë, dhe kjo është  e pranueshme", tha ai.

Tarantino sapo ka publikuar romanin e tij të parë, "Njëherë e një kohë në Hollywood", bazuar në filmin e tij të fundit.

“Unë jam rritur duke lexuar libra të bazuar në filma, në vitet shtatëdhjetë dhe tetëdhjetë. - shpjegoi ai - Në një moment të caktuar mendova ta bëja me një nga filmat e mi. Ai e quajti këtë libër“ një roman që zgjeron filmin tim, por edhe një roman për Hollivudin”.