Tradhtia në çift, hendeku mes burrave dhe grave po ngushtohet!

Tradhtia në çift mbetet një nga temat më të diskutuara, ndërsa statistikat e fundit ndërkombëtare tregojnë një tablo më komplekse sesa perceptimi i zakonshëm.

Sipas disa studimeve, rreth 20–25% e burrave të martuar kanë pranuar se kanë pasur marrëdhënie jashtëmartesore të paktën një herë, ndërsa te gratë kjo shifër luhatet mes 13% dhe 15%. Megjithatë, ekspertët theksojnë se diferenca mes gjinive po ngushtohet.

Kur përfshihen edhe tradhtitë emocionale, mesazhet intime dhe marrëdhëniet online, hendeku mes burrave dhe grave bëhet edhe më i vogël. Në disa raste, gratë e reja nën 30 vjeç raportohen me nivele të ngjashme ose edhe më të larta të sjelljeve të tilla krahasuar me burrat e së njëjtës moshë.

Studiuesit shpjegojnë se arsyet më të shpeshta për tradhtinë lidhen me mungesën e afërsisë emocionale, pakënaqësinë në marrëdhënie, komunikimin e dobët dhe dëshirën për eksperienca të reja.

Debati është ndezur edhe më shumë pasi të dhënat sfidojnë stereotipin se “vetëm burrat tradhtojnë”, duke treguar se sjellja varet nga mosha, rrethanat dhe mënyra si kuptohet vetë tradhtia.