RIKTHEHET “FREAKIER FRIDAY”/ Filmi shënon rikthimin e Lindsay Lohan në një prodhim të Disney-t

Pas më shumë se 20 vitesh, Lindsay Lohan rikthehet me vazhdimin e filmit “Freaky Friday”, i cili do të shfaqet në kinema më 8 gusht dhe sjell një histori më të thellë e emocionale për marrëdhënien nënë-bijë. Aktorja theksoi se mëmësia e ka ndihmuar të lidhet më shumë me rolin dhe se ishte e lumtur të rikthehej në një film që sjell gëzim dhe nostalgji për publikun.

Pas më shumë se dy dekadash nga suksesi i filmit “Freaky Friday”, i cili u bë një hit global Lindsay Lohan rikthehet ekran për vazhdimin e filmit i cili do të shfaqet më 8 gusht.

Filmi trajton lidhjen nënë-bijë nga një këndvështrim më i pjekur dhe merr një ndërrim trupash mes katër personash, duke sjellë një dinamikë të re komedie dhe emocionale.

Lindsay Lohan, e cila interpreton rolin e Anna-s, tani paraqitet si një vajze adoleshente, një rol që pasqyron ndryshimet në jetën e saj personale. Aktorja tha se të qenit nënë e ka bërë të lidhet më thellë me tematikën e filmit dhe se ishte e lumtur të rikthehej në një projekt që sjell gëzim për botën.

"Adhuruesit e duan filmin dhe ka një besnikëri kaq të fortë". "I bëri njerëzit shumë të lumtur dhe mua më pëlqen të bëj filma që i bëjnë njerëzit të ndiejnë gëzim."

"Kaq shumë gjëra që po ndodhin në botë tani, saqë është mirë të krijosh diçka që i lejon njerëzit të harrojnë atë që po ndodh." tha aktorja.

Filmi shënon rikthimin e Lohan  në një prodhim të Disney në më shumë se një dekadë, por ndoshta nuk është i fundit, pasi ajo thotë se nëse fansat e duan Freakier Friday, ata mund të presin vazhdimet më të çuditshme.

Ajo shton se rikthimi i saj në aktrim kishte të bënte me gjetjen e kohës së duhur, dhe se 39-vjeçarja kishte pasur disa vite të ngjeshura pasi u martua me financierin Bader Shammas në vitin 2022 nga ku lindi një djalë një vit më vonë. Ajo theksoi se mëmësia e kishte ndihmuar të lidhej edhe më shumë me aktrimin dhe filmin.

Ndërsa Jamie Le Curtis, e cila vazhdon të interpretojë rolin e nënës së Anna-s, deklaroi se ishte ideja e saj që të realizohej ky vazhdim dhe se e kishte  dashur gjithmonë miqësinë me Lohan. Ajo shtoi se “Freakier Friday” synon të përcjellë mesazhe të rëndësishme për mirëkuptimin dhe empatinë, se si të ofrojë argëtim dhe nostalgji për publikun.